Páxinas

CPI Manuel Padín Truiteiro

Departamento de Lingua Galega e Literatura

Portafolio Dixital

Os materiais das aulas na rede

Recursos

Sobre lingua, literatura e outras temáticas de interese
 

Elaboramos un texto expositivo-informativo a partir de infografías

luns, 30 de decembro de 2013


Tras analizar varios textos expositivos na aula é o momento de redactar algún texto propio seguindo as pautas marcadas en relación ao contido, á estrutura e á expresión deste tipo de textos. Polo de agora, farémolo cun apoio importante: a partir de infografías de diversa temática que xa conteñen toda a información posible que precisades para elaborar o voso traballo. Na vosa man queda a distribución da información, o uso de conectores e marcadores textuais, o emprego dunha linguaxe precisa, etc. 

Ademais das indicacións que tedes no libro da materia e no voso caderno, nesta páxina tedes unha guía moi completa que vos pode axudar a compoñer o voso texto expositivo. 
Lembrade:
  1. Podedes descargar as infografías nos vosos equipos e ampliar o tamaño con calquera programa de tratamento de imaxes para visualizalas mellor. Tamén volas envío polo correo.
  2. A escasez de infografías en lingua galega, debido á súa marxinación nos medios de comunicación, obríganos a botar man de infografías en castelán, mais non esquezades para que materia se vos pide este traballo (sempre hai algún/algunha despistado/a!). Poñede especial atención na lingua.
  3. Con estas cinco infografías tedes posibilidades dabondo para escoller aínda que hai moitas outras das máis diversas temáticas. Excepcionalmente, podedes solicitar algunha concreta para realizar este traballo.

Lecturas da 2ª avaliación (3º ESO)

domingo, 29 de decembro de 2013

Dende a barra do Luzada, Patricia contempla os camiños que toman as vidas dos seareiros do bar, historias que se entrecruzan e que viaxan dende os lugares máis íntimos do ser humano ata os espazos máis afastados e remotos en calquera parte do mundo. Este é un convite para entrar no Luzada, sentar a unha mesa e coñecer os personaxes creados por Rosa Aneiros. Esta novela, publicada por Xerais no ano 2009 na colección Fóra de Xogo, foi galardoada cos Premios Fundación Caixa Galicia de Literatura Xuvenil, Fervenzas Literarias ao Mellor Libro Xuvenil 2009 e The White Ravens (Internationale Jugend Bibliothek) 2010. 

Ademais desta lectura obrigatoria do trimestre, sobre a que iremos traballando aos poucos nas aulas, tamén podedes escoller algunha das lecturas optativas que se recollen na seguinte listaxe, que non está pechada senón que se irá aumentando ao longo do curso. Calquera outro título que queirades propoñer debe ser comunicado ao profesor, ao que tamén lle podedes pedir algunha recomendación que responda aos vosos gustos e intereses. 

Narrativa
  • Ledicia Costas, Corazón de Xúpiter, Edicións Xerais. Sinopse
  • Eric-Emmanuel Schmitt, O señor Ibrahim e as flores do Corán, Faktoria K. Sinopse. Tráiler do filme.
  • Fernando Cimadevila, O mundo secreto de Basilius Hoffman (I e II), Urco Editora. Páxina web.
  • Óscar Wilde, O retrato de Dorian Gray, Urco Editora. Reseña
  • Xurxo Borrazás, Criminal, Sotelo Blanco. Sinopse
Poesía
Banda Deseñada
Teatro
  • Castelao, Os vellos non deben de namorarse, Editorial Galaxia. Sinopse
  • Manuel Núñez Singala, Comedia Bífida, Edicorial Galaxia. Sinopse

Os constituíntes da palabra

mércores, 20 de novembro de 2013

Recuperamos esta antiga entrada do blogue para acompañar as aulas de 1º ESO e introducir un dos mecanismos máis eficaces para a formación de palabras no noso idioma (correspóndese coa páx. 31 do libro de texto).

Lembrade que no mes de decembro volvemos explicar os mecanismos de formación de palabras, en concreto a composición e a derivación, que volverán entrar, a modo de repaso, no primeiro exame deste segundo trimestre.

Velaquí a presentación de diapositivas coa que complementamos a explicación da formación de palabras mediante os sufixos e os prefixos. Tamén podedes encontrala no cartafol da materia de lingua galega dos ordenadores das aulas de 1º da ESO.

Actividades de Lectura (2º ESO)

domingo, 10 de novembro de 2013


Noite de voraces sombras. Agustín Fernández Paz
1.  Contestamos:
¿En qué persoa está narrada a novela?
¿De que data a que data vai a historia?
¿A que se dedica a nai da protagonista?
 ¿E o pai? ¿Cales son as súas afeccións?
 ¿Onde vive Xavier coa familia?
¿Cal é a causa da xordeira do tío Moncho?
 En relación á illa: ¿Cal é o nome do barqueiro? ¿E do home que está na illa esperando a barca?
¿Quen garda a illa?
¿Qué árbores ven na illa?
 ¿Entre que poboación se atopa San Simón?
2. Situamos a historia xeograficamente:
3. Na novela hai moitas referencias literarias a libros, poemas, cancións…Reflexiona sobre as seguintes mostras.
  • Poema de Ramón Cabanillas escrito a man polo tío Moncho. Intenta explicar o seu contido e por que o escolle o autor para esta novela.
Inda nos meu beizos arde,
Con labaradas de febre,
O bico daquela tarde.

¡Que puxeches nel non sei,
Tempo e tempo que vivira
doutro mal non morerei ¡




  • Canción “Clandestino” de Manu Chao. ¿De que fala a canción e que relación ten cos personaxes da novela?

Solo voy con mi pena
sola va mi condena
correr es mi destino
para burlar la ley
perdido en el corazón
de la grande babylon
me dicen el clandestino
por no llevar papel
pa' una ciudad del norte
yo me fui a trabajar
mi vida la dejé
entre ceuta y gibraltar
soy una raya en el mar
fantasma en la ciudad
mi vida va prohibida
dice la autoridad
solo voy con mi pena
sola va mi condena
correr es mi destino
por no llevar papel
perdido en el corazón
de la grande babylon
me dicen el clandestino
yo soy el quiebra ley
mano negra clandestina                                                                


peruano clandestino
africano clandestino                             
marijuana ilegal
solo voy con mi pena
sola va mi condena
correr es mi destino
para burlar la ley
perdido en el corazón
de la grande babylon
me dicen el clandestino
por no llevar papel

P. Neruda

  • Poema de Pablo Neruda  destacado na novela na páxina 86. Fala sobre o seu tema e da súa relación coa historia que conta a novela.
  • Recolle a cita de Jack London que Sara ten no cartel do cuarto. Que pensas sobre o que di? Serviríache como axuda para afrontar a túa vida?

  1. A novela fala, a través das cartas do tío Moncho, da Guerra Civil en Galicia e España. Que idea che transmitiu a novela sobre a guerra e as súas repercusións? Trata de explicar que quere dicir esta afirmación: a novela trata sobre a recuperación da memoria histórica.

Repaso dos elementos da narración

venres, 4 de outubro de 2013

Ao comezo de cada curso sempre toca repasar máis dun tema e, como acontece sempre nas materias de linguas, volver sobre o xa visto mais profundizando un chisco máis. Iso é o que imos facer en relación á narración e ás estratexias que se activan nos textos narrativos (personaxes, estrutura, etc.). Tanto no libro de texto novo (páx. 16-17) como no vello (páx. 30-31) temos un bo resumo destes aspectos, xunto coas primeiras lecturas para traballalos na práctica.

Complementamos, ademais, a presentación de diapositivas que empregamos en 2º da ESO con estoutra máis completa de Lourenço Álvarez vía Marlou.

Falabamos así hai 6.000 anos?

mércores, 2 de outubro de 2013

As modernas linguas indoeuropeas, á que pertencen a maioría das linguas de Europa e Asia meridional, descenden dunha única lingua, chamada protoindoeuropea, que era falada por un pobo que viviu entre os anos 4.500 e 2.500 antes de Cristo, e non deixou textos escritos. Como é lóxico, os científicos preguntáronse como soaría esa lingua orixinal. 


En 1868, o lingüista alemán August Schleicher utilizou un vocabulario protoindoeuropeo reconstruído-cun método comparativo a partir de similitudes entre o sánscrito, o grego clásico, o latín, o xermánico, etc-, para crear unha fábula, co obxectivo de escoitar unha aproximación desa linguaxe. Coñecida como a fábula de Schleicher ou «A ovella e os cabalos», a parábola narra a historia dunha ovella rapada que se encontra no campo cun grupo de cabalos algo respondons. A ovella dilles que lle doe o corazón ao ver aos equinos cargados e cun xinete enriba, e os cabalos lle contestan que tamén lles doe a eles cando ven o amo vestido coa la da ovella mentres ela está núa.

Os lingüistas seguiron traballando para descubrir máis acerca desa lingua extinta e actualizan periodicamente o experimento sonoro. O último en facelo é o lingüista Andrew Byrd, da Universidade de Kentucky, que recita na revista Archaeology a súa versión da fábula adaptando a súa pronuncia aos últimos achados sobre a lingua. Byrd tamén actualizou outra parábola curta en protoindoeuropeo reconstruído en 1990. Inspírase nunha pasaxe do Rig Veda, unha antiga colección de himnos en sánscrito, na que un rei suplica ao deus Varuna que lle conceda un fillo.

Unha ovella que non tiña la viu cabalos, un deles arrastraba unha pesada carreta, outro cargaba unha gran carga e outro cabalgaba rapidamente cun xinete. A ovella díxolle aos cabalos: «Dóeme o corazón vendo un home manexando cabalos». Os cabalos dixeron: «Escoita, ovella: os nosos corazóns dóennos cando vemos isto: un home, o amo, converte a la dunha ovella en roupa abrigada para si mesmo. E a ovella non ten la». Ao oír isto, a ovella fuxiu á pradaría.


Fontes:

II Certame de Relato Curto. A toda máquina!

venres, 10 de maio de 2013


O EDLG do CPI M. Padín Truiteiro convoca o II Certame de Relato Curto coa finalidade de promover a creación literaria no alumnado e incentivar a creatividade en galego.
Bases para a ESO e para o profesorado
1. Participantes: alumnado de todos os niveis educativos do colexio que estean matriculados no presente curso 2012-2012. Profesorado dos tres niveis educativos.
2. Temática: os relatos han de ser orixinais, estarán redactados en lingua galega e versarán sobre a temática que centrou o XIV Salón do libro e Infantil e Xuvenil de Pontevedra, co que sempre colabora o EDLG:
Do latín machĭna, a Máquina é un conxunto de mecanismos formado de elementos móbiles ou fixos dispostos para aproveitar, dirixir, regular ou transformar enerxía, permitindo realizar distintos traballos.
Inventáronse para solucionar grandes retos: un guindastre ou unha escavadora son máquinas; pero tamén unha bicicleta, os foguetes espaciais ou un simple coitelo, un ordenador, as escaleiras mecánicas… : son inventos humanos que reducen o esforzo necesario para realizar un traballo.
A máquina como o aparato que move o mundo, como artefacto que fai realidade todo o que imaxinemos. Por exemplo: unha máquina para pintar, unha máquina para escribir contos, outra para facer chicles, unha máquina para facer cóxegas, unha máquina para volverse invisible, etc.
O ser humano como máquina, as máquinas e o movemento, o escritor como máquina de combinar palabras, a máquina do tempo, máquinas de música… invitámosvos pois a maquinar sobre as máquinas.
3. Categorías:
• ESO: 1º ciclo e 2º ciclo da ESO.
• Profesorado.
4. Extensión máxima: a extensión dos relatos non poderá superar as 300 palabras. Os textos poderán incluír ilustracións referidas ao contido do conto, que non computarán como páxinas do relato.
5. Presentación:
Os traballos entregaranse ao profesorado de Lingua Galega nun sobre, que terá que incluír pseudónimo pola súa parte externa. Deberán entregarse en tamaño folio DIN A4, tamaño 11, a espazo e medio, debidamente grampado ou encadernado. En cada traballo figurará o pseudónimo do autor ou autora. Os datos persoais (nome e apelidos e curso) incluiranse nun papeliño dobrado no interior do sobre. O xurado valorará unha coidada presentación dos traballos (limpeza, corrección lingüística, orixinalidade, etc.).
6. Prazo de entrega: a data límite é o luns, 27 de maio, inclusive.
7. Premios: entregaranse dous premios por categoría, consistentes nun lote de obsequios doados polo Concello de Soutomaior e o EDLG.
8. Xurado: estará constituído por cinco membros da Comunidade Escolar do CPI Manuel Padín Truiteiro que sexan compoñentes do EDLG ou persoas delegadas polo Equipo para esta función.
9. A resolución: darase a coñecer no mes de maio. O acto de entrega será fixado e publicitado nesas datas pola organización do certame.
10. Publicación: os relatos gañadores publicaranse nos sitios web do centro.

Un ano máis, verbas para comunicar

martes, 23 de abril de 2013


Xa está en marcha o VI Concurso Literario Verbas para comunicar co que a Concellaría de Xuventude do Concello de Soutomaior procura impulsar a creatividade, a comunicación e a lingua galega entre os mozos e mozas do municipio. O Equipo de Normalización Lingüística do colexio, xunto co Departamento de Lingua Galega e o profesorado do ámbito sociolingüístico, colaboran neste certame que festexa un ano máis o Día das Letras Galegas. Podedes consultar as bases nos taboleiros das aulas da ESO e mais na páxina do concello (edición 2012), mais os requisitos básicos son moi simples á vez que moi flexibles e abertos para que todos e todas vós atopedes iso tan importante que queredes expresar:
  1. A temática será libre tendo en conta que o obxectivo xeral é transmitir unha idea, unha opinión, un sentimento... que desexemos compartir con outras persoas.
  2. Estará redactado en galego e valorarase a corrección lingüística, así como a presentación adecuada e a orixinalidade do traballo.
  3. O texto non poderá superar as 12 liñas e presentarase en papel ou cartolina que non supere o tamaño A4. O formato é, polo tanto, tamén libre: prosa, poesía, unha mensaxe, unha carta, un artigo de opinión, etc.
  4. Haberá dúas categorías: categoría A (de 12 a 14 anos) e categoría B (de 15 a 18 anos). 
Non deixedes de consultar todas as dúbidas cos vosos profesores e profesoras e, xa sabedes, este ano hai uns premios mellores ca nunca. Son estes en cada unha das categorías:
  • 1º Premio: Tablet
  • 2º Premio: Libro electrónico
  • 3º Premio: Cámara fotográfica
  • 4º Premio: Marco dixital
  • 5º Premio: Impresora
  • 6º Premio: auriculares
E non esquezades o prazo remata o 10 de maio!

Cantas formas temos para dicir "chuva" en galego?

xoves, 18 de abril de 2013


Agora que andamos ás voltas nas aulas co léxico do tempo meterolóxico, e seica por fin chegou a primavera e imos deixando atrás tantos meses de auga, saberiades dicir cantas palabras temos os galegos e as galegas para dicirmos "chuva"?

Os esquimais teñen unha gran variedade de palabras para a neve. No caso dos galegos é a choiva, aquí van unhas cantas:

Condensación de Auga:
- Borraxeira, Borraxoia, Brétema, Bruma, Calixe, Cegoña, Fuscallo, Mera, Néboa, Neboeira, Neboeiro, Nebra, Zarrazina…
Chuvia Feble:
- Babuña, Babuxa, Barbaña, Barbuza, Barrallo, Barrufa, Barruñeira, Barruzo, Borralla, Breca, Chuvisca, Chuviscada, Chuviñada, Froallo, Lapiñeira, Marmaña, Morriña, Orballo, Parruma, Parrumada, Patiñeira, Patumeira, Poalla, Poallada, Poalleira, Poallo, Zarzallo…
Chuvia Forte:
- Arroiada, Ballón, Basto, Bátega, Bategada, Cebra, Cebrina, Chaparrada, Choiva, Chuvascada, Chuvasco, Chuvia, Chuvieira, Cifra, Ciobra, Dioivo, Treixada, Xistra, Zarracina…
Con raios e tronos:
- Tempestade, Temporal, Torboada, Torbón, Tormenta, Treboada, Trebón, Tromba
Con Neve e Xeo:
- Auganeve, Cebrina, Cebrisca, Escarabana, Nevada, Nevarada, Nevareira, Nevarío, Nevisca, Nevarisca, Pedrazo, Salabreada,Salpedrés, Sarabia, Sarabiada, Saraiba, Torba…
E logo, cando remata, está a:
- Amainar, Amizar, Delampar, Escambrar, Escampar, Estear, Estiñar, Estrelampar…
Fonte: Formiga Atómica.
Pero habería máis: Nomes galegos para a chuvia

Nova listaxe de lecturas para o 3º trimestre (4º ESO)

mércores, 17 de abril de 2013

Esta é a nova listaxe das lecturas, listaxe revisada e actualizada. Caíron algúns títulos, súmanse outros.... dará resposta aos gustos e niveis de lectura tan variados que hai na aula? Agardemos que si, e aínda hai máis posibilidades. 
Preguntar a un/unha compañeiro/a polos libros que leu, consultar a sinopse da obra ou ler algunha crítica, visionar o tráiler da película se foi levada ao cinema, ou do booktráiler, que tamén os hai, ou preguntarlle ao profesor... O caso é ler algo que nos interese! 
Organízase por xéneros e mestura os clásicos cos autores e autoras máis novos, as novidades actuais cos textos de comezos do século XX, libros referenciais e premiados con outros menos recoñecidos que sorprenderán...

Narrativa
  • Alcalá, Xavier, A nosa cinza, Galaxia. Sinopse e fragmento do cap. VII
  • Aleixandre, Marilar, A compañía clandestina da contrapublicidade, Galaxia. Sinopse
  • Alonso, Fran, Cemiterio de elefantes, Xerais. Sinopse
  • Ameixeiras, Diego, Tres segundos de memoria, Xerais. Sinopse
  • Aneiros, Rosa, Ás de bolboreta, Xerais. Sinopse
  • Aneiros, Rosa, Resistencia, Xerais. Sinopse
  • Borrazás, Xurxo, Criminal, Sotelo Blanco. Sinopse
  • Bradbury, Ray, Fahrenheit 451, Xerais, col. Fóra de Xogo. Sinopse
  • Brenan, Herbie, O portal dos elfos, Xerais. Sinopse
  • Calveiro, Marcos, Settecento, Xerais. Sinopse
  • Camilleri, Andrea, A pista de area, Galaxia. Sinopse
  • Casares, Carlos, Vento ferido, Galaxia. Sinopse
  • Castelao, Os dous de sempre. Galaxia. Sinopse
  • Castelao, Retrincos, Galaxia. Sinopse. Relato "O segredo"
  • Cimadevila, Fernando M., O mundo secreto de Basilius Hoffman. O ladrón de soños, Urco. SinopsePáxina WebBooktráilerDescarga do 1º libro.
  • Cimadevila, Fernando M., O mundo secreto de Basilius Hoffman. Un faro na escuridade, Urco. SinopsePáxina WebBooktráiler.
  • Cormac McCarthy, A estrada, ed. Faktoría K. SinopseTráler da película
  • Cunqueiro, Álvaro, Os outros feirantes, Galaxia. Sinopse
  • Dieste, Rafael, Dos arquivos do trasno, Galaxia. Sinopse
  • Elena Gallego, Dragal IDragal IIDragal III, Xerais. Sinopse I (A herdanza do dragón)Sinopse II (A metamorfose do dragón) e Sinopse III (A fraternidade do dragón)Páxina webBooktrailer
  • Fernández Paz, Agustín, Aire negro, Xerais. Sinopse
  • Fernández Paz, Agustín, O único que queda é o amor, Xerais. Sinopse
  • Fole, Ánxel, Á lus do candil, Galaxia.  Sinopse
  • Lienas, Gemma, O diario vermello de Carlota, Galaxia. Sinopse. Película
  • Lienas, Gemma, O diario violeta de Carlota, Galaxia. Sinopse
  • Martin, Andreu e Ribera, Jaume, O diario vermello de Flanagan, Galaxia. Sinopse
  • Méndez Ferrín, Xosé Luís, O crepúsculo e as formigas, Xerais. Sinopse
  • Murado, Miguel Anxo, Mércores de cinza, Galaxia. Sinopse
  • Navaza, Gonzalo, Erros e Tánatos, Xerais. Sinopse
  • Orwell, George, 1984, Faktoría K. Sinopse
  • Orwell, George, A revolta dos animais, Edicións Positivas. Sinopse
  • Reigosa, Carlos, Crime en Compostela, Xerais. Sinopse
  • Reimóndez, María, O club da calceta, Xerais. Sinopse
  • Rivas, Manuel, O lapis do carpinteiro. Xerais. Sinopse
  • Riveiro Coello, Antón, As rulas de Bakunin, Galaxia. Sinopse
  • Santiago, Eduardo, 2044, Galaxia. Sinopse
  • *Schmitt, Eric-Emmanuel, O señor Ibrahim e as flores do Corán, Faktoría K. SinopseTráiler do filme (orixinal francés).
  • Sende, Sechu, Made in Galiza. Galaxia. Sinopse
  • Sumai, Anxos, Anxos de garda, A Nosa Terra. Sinopse
  • Süskind, Patrick, O perfume, Sotelo Blanco. Sinopse. Tráiler da película
  • *Taylor, Kressman, Enderezo descoñecido, Xerais. Sinopse
  • *Uhlman, Fred, O reencontro, Galaxia. Sinopse
  • Vila Sexto, Carlos, As sete mortes, Galaxia. Sinopse
  • Villar, Domingo, A praia dos afogados, Galaxia. Sinopse
  • Villar, Domingo, Ollos de auga, Galaxia. Sinopse
Poesía
  • *Alonso, Fran (editor), Poetízate, Xerais. Reseña
  • *Carlos Negro, Makinaria, Xerais. Sinopse. Entrevista e recitado co poeta (Proxecto SonCine - Vinte Dez, IES de Porto do Son)
  • *Ferreiro, Celso Emilio, Longa noite de pedra, Ed. do Castro. Análise
  • *Manuel Antonio, De catro a catro, Galaxia. Análise
  • *Neves, Kiko, Un poema de amor. Edición do autor. Algúns poemas
  • Reimóndez, María, Moda galega, Edicións Positivas. Selección
Teatro
Banda Deseñada

Nova listaxe de lecturas para o 3º trimestre (2º ESO)

luns, 1 de abril de 2013

Comezamos a recta final do curso cunha revisión das lecturas, tanto nos títulos propostos como na avaliación e nalgún aspecto máis que iremos vendo ao longo desta semana da volta ás aulas. O obxectivo non é outro que mellorar o rendemento neste ámbito e, sobre todo, gozar máis cos libros!!! 

A ver se o acadamos, de momento ídelle botando unha ollada á listaxe, que está organizada en torno a tres grandes campos temáticos e mais a un xénero, o da banda deseñada. E xa falaremos máis devagar na aula.

AVENTURAS, VIAXES, SUSPENSE E MISTERIO
  • Aleixandre, Marilar, A expedición do Pacífico, Xerais. Sinopse
  • Avi, As confesións de Carlota Doyle, Galaxia. Sinopse
  • Fernández Paz, Agustín, As fronteiras do medo, Edebé-Rodeira. Sinopse. 1º capítulo
  • Fernández Paz, Agustín, Cartas de inverno, Xerais. (vid. apartado de banda deseñada) Sinopse
  • Fernández Paz, Agustín, Aire negro, Xerais. Sinopse 
  • Martín, Andreu, Ideas de bombeiro, Rodeira Sinopse
  • Mallorquí, César, O último traballo do señor Luna, Rodeira. Sinopse
  • Moure, Gonzalo, Eu, que matei de melancolía ao pirata Francis Drake, Xerais. Sinopse
  • Stevenson, Robert Louis, A illa do tesouro, Xerais.
    Sinopse
  • Verne, Xulio, Viaxe ao centro da terra, Xerais. Sinopse
  • Verne, Xulio, A volta ao mundo en 80 días, Xerais. Sinopse
TEMÁTICA SOCIAL E ADOLESCENTE
  • Alapont, Pascual, O inferno de Marta, Galaxia. Sinopse
  • Aleixandre, Marilar, Rúa Carbón, Xerais. Sinopse
  • Calveiro, Marcos, O carteiro de Bagdad, Tambre. Sinopse
  • Casalderrey, Fina, A pomba e o degolado, Xerais. Sinopse
  • Costas, Ledicia, O corazón de Xúpiter, Xerais.
    Sinopse
  • Frank, Ana, O diario de Ana Frank, Kalandraka.
    Sinopse
  • Sierra i Fabra, Jordi, Nun lugar chamado guerra, Xerais. Sinopse
FANTASÍA

BANDA DESEÑADA        
  • Christie, Agatha (adapt. de Alain Paillou), Os catro grandes, El Patito Editorial. Sinopse
  • Christie, Agatha (adapt. de F. Rivière), Morte no Nilo, El Patito Editorial. Sinopse
  • Filippi & Etienne, Gárgolas (tomo 1). O viaxeiro, Cerditos de Guinea. Sinopse dos dous tomos
  • Filippi & Etienne, Gárgolas (tomo 2). A chave do tempo, Cerditos de Guinea.
  • Mircala, Jack, Lóbrego Romance. Pálida Pantasma, El Patito Editorial. Sinopse
  • Mircala, Jack, Baixada a Esquela, El Patito Editorial. Sinopse
  • Mircala, Jack, Descenso a Esquela, El Patito Editorial. Sinopse
  • Muñoz, D., Tirso Cons e Javi Montes, A mansión dos murmurios. Libro I: Sara, El Patito Editorial. Sinopse
  • Seijas, Antonio, Cartas de inverno, Xerais. Sinopse
  • Tomé & Janry, Spirou e Fantasio en Nova York, Cerditos de Guinea. Sinopse