XII Certame Verbas para Comunicar

Bulide, que o prazo para o envío de traballos remata o 7 de maio. Tedes toda a información sobre o concurso na páxina do IES.

Ilusión e compromiso nunha nova edición de Verbas para Comunicar

Onte tivo lugar no pabillón da Montesiña a gala de entrega de premios do XI Concurso Verbas para Comunicar, que ten como obxectivo promover o uso da lingua galega entre a mocidade dun xeito lúdico e atractivo e asociado aos seus intereses e gustos con motivo do Día das Letras Galegas. Ao acto, ao que acudiron alumnos e alumnas do noso centro e do Colexio Santiago Apóstolo, foi conducido polo dúo Falabaratas, que deu paso á concesión de galardóns, entregados polo Alcalde, Agustín Reguera, e a Concelleira de Mocidade, Noelia Ocampo.

Nesta edición entregáronse case 300 traballos nas diferentes modalidades, entre textos, pezasde audio e gravacións audiovisuais. Hai que destacar unha grande presenza deproblemáticas como a violencia e a desigualdade de xénero e os lumes, que no outono pasado asolaron os montes do noso municipio. Dende o EDLG felicitamos a todos os participantes e animámosvos a manter, e mesmo mellorar, o nivel de cara ao ano que vén.

RELACIÓN DE TRABALLOS PREMIADOS DO NOSO ALUMNADO 

Redacción. Categoría A (12-14 anos).
- 1º Premio: Candela Paz Aguiar (1º ESO A), por Non!!!
- 3º Premio: Nikol Duarte Raña (2º ESO B), por Que é a vida?
- 5º Premio: Laura Pérez Barreiro (1º ESO A), por 12 meses para para o amor.

Redacción. Categoría B (15-18 anos)
- 2º Premio: Rime el Bahi (4º ESO B), por Branca Silueta.
- 6º Premio: Carala Mª Corugeira (2º ESO A), por As cinco inxustizas.
Audiovisual. Categoría A (12-14 anos) Individual
- 1º Premio: Xiara Suárez Valenti (2º ESO B), por Outra escola é posible.
- 3º Premio: Uxía Vidal Rubianes (1º ESo C), por A rapaza futbolista.
- 5º Premio: Sonia Baqueiro Abal (1º ESO B), por A autoestima.
- 6º Premio: Daniel Gallego Couñago (1º ESO C), por O peixiño.
Audiovisual. Categoría A (12-14 anos) Grupal (nesta categoría só se dan dous premios)
- 1º Premio: Izaskun Tellería e Lucía Costas (1º ESO B+C), por Parodiando a vida.
- 2º Premio: Anxo Barcia e Lola Barros (3º ESO C), por Non ao acoso.
Audiovisual. Categoría B (15-18 anos) Grupal (nesta categoría só se dan dous premios)
- 1º Premio: David Alján e Martín Otero (3º ESO B+C), por Dario.

Expresión literaria, creación audiovisual, xornalismo... Asumes o reto?

Ademais dos concursos que anunciabamos hai uns días e que coñecedes ben por teren unha grande tradición no noso colexio, o XI Certame Verbas para Comunicar, e mais o VI Concurso de Relato Curto (FANPA), cuxo prazo remata o vindeiro 28 de febreiro, aquí vai unha nova remesa de convocatorias que están a chamar polos vosos traballos. E non serán os últimos que anunciaremos no noso blogue:

Reto Lector

• Obxectivo: fomentar a lectura en galego entre os adolescentes e as adolescentes a través dun formato novidoso no que os rapaces se converten en vloggers (video blogger) literarios.
• En que consiste? Enviar ao mail galaxia@editorialgalaxia.gal dous vídeos nos que se dea conta da lectura de dous libros da Editorial Galaxia de calquera das súas coleccións de narrativa para todas as idades: Árbore, Costa Oeste e Literaria. Os vídeos non poderán exceder os dous minutos de duración. Durante eses dous minutos, os rapaces deben comentar o contido da obra, os aspectos que máis lles gustaron e as razóns polas que recomendarían a súa lectura.
• Categoría única: rapaces e rapazas de 12 a 16 anos. Prazos de presentación: a entrega dos vídeos estará aberta ata o día 31 de maio, e a resolución do xurado farase pública o 12 de xuño.
• Premios: a rapaza ou rapaz gañador recibirá un Ipad de última xeración. Ademais, haberá cinco lotes de libros coas últimas novidades da Editorial para os cinco seguintes clasificados.
• Bases do concurso: Galaxia.

III Concurso Ollo de Vidro de Booktráilers e Booktubers

• Obxectivos: fomentar entre a cidadanía hábitos lectores, utilizando a lectura como fonte de información, aprendizaxe e enriquecemento persoal, ao mesmo tempo que se promove o uso do galego como vehículo de comunicación nas redes sociais.
• En que consiste? Enviar a recomendocheunlibro@gmail.com unha destas pequenas pezas creativas, que consisten en resumir en non máis de 3 minutos de imaxes o contido dun libro.
• Convocan: Biblioteca Neira Vilas, IES Castelao, Escola Oficial de Idiomas, Asociación de Veciños de O Calvario, Biblioteca Pública do Porriño,  IES Pino Manso e o Festival de Cans.
  
• Categoría única: persoas e colectivos.
• Prazos de presentación: a entrega dos vídeos estará aberta ata o día 23 de abril.
• Premios:
  • Os traballos finalistas serán proxectados no festival.
  • 1º premio: 400€.
  • 2º premio: 250€
  • 3º premio: estancia en Cans con noite de hotel e entradas para asistir ao concurso de curtametraxes.
  • Todos os premios teñen tamén dotacións en lotes de libros e esculturas e placas conmemorativas.
• Bases do concurso: Recoméndoche un Libro.

#AbrideaFiestra. Día de Rosalía de Castro 2018 (AELG)

• Obxectivo: expandir o poder da palabra de Rosalía de Castro entre a xente nova.
• Dúas categorías:
  • Infantil e Primaria: despois de facer un repaso da figura literaria da Autora, e dalgunhas lecturas que dean conta da pluralidade significativa da súa obra, proponse para o venres 23 de febreiro que cada alumna/o elabore, nun soporte que poida ser pendurado nunha fiestra ou pegado na parte interior dos vidros das fiestras (tea, cartolina ou similar), algún elemento iconográfico de Rosalía de Castro e/ou transcriba os seus versos soltos ou poemas completos para lles dar luz desde as fiestras e tentar facelos visíbeis socialmente.
  • Secundaria e Bacharelato: escenificación e gravación de mostras visibilizadoras da obra rosaliana que sigan o fío do lema #AbrideAFiestra, de xeito que o alumnado interaccione visualmente coa obra ou a figura de Rosalía e contribúa a espallala colectivamente, quebrando os muros herméticos e escuros que noutro tempo a silenciaron. Para estes efectos, suxerimos traballar sobre o texto do manifesto da AELG no Día de Rosalía de Castro.
• Máis info.: páxina da AELG.

Youtubeiros

• En que consiste? Youtubeir@s nace coa vontade de promover e visibilizar o uso do galego con vídeos de opinión e videotitoriais a través dunha das redes sociais máis influíntes do momento, YouTube.
• Para quen? Maiores de 14 anos.
• Categorías: vídeo-facermos, vídeo-opinarmos e canle.
• Duración máxima: 5 minutos.
• Idioma: lingua galega.
• Prazo de inscrición: ata o 15 de marzo. 
• A organización ofrece cursos formativos.
• Bases completas aquí.
• Páxina do concurso.
• Organizan: Servizos de Normalización Lingüística dos concellos da Baña, Ames, Carballo, Ourense, Pontevedra, Ribadeo, Santiago de Compostela, Teo e O Grove, das Universidades da Coruña, Santiago de Compostela e Vigo e da Deputación da Coruña.
• Traballos presentados e premiados na edición 2017.

II Concurso de Videopoemas sobre composicións poéticas de Rosalía de Castro e Manuel María

• Certame que procura potenciar potenciación da creatividade artística a través da conxunción da palabra, o son e a imaxe, e o coñecemento e difusión da obra destes dous autores. 
• Categoría: unha única a partir da ESO e participación individual ou grupal.
• Prazo de preinscrición: até o 24 de marzo de 2018.
• Prazo de presentación de orixinais: antes do 21 de abril de 2018.
• Ligazón ás bases.
• Convoca: Casa-MuseoManuel María

XVConcurso Mellor Xornalista Infantil e Xuvenil  

- Concurso convocado por La Voz de Galicia que procura que o alumnado se familiarice coa lectura e o manexo do xornal e que desenvolva a súa capacidade de exposición e redacción, baseándose en informacións publicadas na edición impresa ou dixital (Mellor Xornalista Infantil) ou mediante traballos orixinais de elaboración propia (Mellor Xornalista Xuvenil).

- Vai dirixido a todo o alumnado galego de: 

• Educación Infantil, 1º e 2 de Primaria:  debuxo que ilustre unha nova.
• Educación Primaria, de 3º a 6º curso e EE: reinterpretación dunha nova.
• ESO: entrevista. 

- En todas as categorías os profesores deberán coordinar e revisar o traballo dos alumnos, ademais de orientalos na súa elaboración.
- Valorarase o interese dos traballos, o estilo xornalístico, a corrección gramatical e a presentación da páxina.
- Premios Infantil e Primaria: en cada categoría o 1º premio correspóndese cunha estadía de fin de semana no parque Warner para 4 persoas, unha cámara de fotos dixital para o 2º premio e mais un reprodutor MP4 para o 3º premio.
- Premios Xuvenil: unha estadía dunha fin de semana en Londres para 4 persoas para o 1º premio, un libro electrónico para o 2º premio e mais un altofalante inalámbrico para o 3º premio.
- O prazo de presentación remata o 30 de abril de 2018.
- Máis info.: bases.

Poñamos a nosa creatividade a proba!!!

En xaneiro non comezan as rebaixas no panorama cultural galego, senón a tempada alta de certames, concursos, feiras e eventos de todo tipo, que van collendo ritmo ata estourar con forza a mediados de maio co Día das Letras Galegas, que este ano estará dedicado á escritora María Victoria Moreno, pontevedresa de adopción, cacereña de nación e galega de elección.

Pois ben, dous dos concursos máis recoñecidos no noso colexio xa publicaron as súas bases e, como non podía ser doutra maneira, convidámosvos a participar. Son o XI Certame Verbas para Comunicar 2018, que convoca o Departamento de Xuventude do Concello de Soutomaior, e o VI Concurso de Relato Curto que organizan a Federación de ANPAS de Pontevedra, a editorial Kalandraka, o concello da capital e a Deputación. De momento, non nos chegaron os cartaces e os folletos, pero xa podemos adiantar a información básica de cada un:

XI Certame Verbas para Comunicar 

- Obxectivo: Promover o uso da lingua galega entre a mocidade e conmemorar o día das Letras
Galegas.
- Modalidades:

• Redacción: dun texto en lingua galega que transmita unha idea, sentimento, opinión, etc., Só presentación individual. O tamaño do texto non poderá ser superior ás 12 liñas.  O soporte será o papel ou cartolina e o seu tamaño non poderá superar un folio A4, pero si poderá ser inferior a este. O formato de presentación do papel ou cartolina será libre. 
• Audiovisual: elaboración dun vídeo (curta) ou audio (tema musical ou outros) cunha duración máxima de 5 minutos. Pode presentarse de xeito individual ou grupal (2 ou 3 persoas). Presentar en USB. Pode ser gravado con móbil ou cámara.  Acéptanse tamén en calidade HD. Mensaxe en galego escrita ou verbal. Tema e estilo: libre. 

- Categorías EN CADA MODALIDADE:

• Categoría A: idades de 12 a 14 anos. 
• Categoría B: idades de 15 a 20 anos.

- Prazo de presentación: ata o 27 de abril.Entrega de premios en maio para conmemorar o día das Letras Galegas. Pedir as bases na OMIX.

Podedes consultar os textos gañadores en anteriores edicións (ata 2009) premendo aquí.

VI Concurso de Relato Curto

Neste certame, no que alumnas como María González ou ex-alumnas como Olalla Castrillo xa chegaron á final e mesmo gañaron (le o relato de Olalla aquí), sempre presentamos traballos do colexio, a ver que pasa desta volta. As bases xa están colgadas na páxina web, pero a presentación tivo lugar hoxe en Pontevedra. Resumimos a información básica:

1. Os relatos deberán ser orixinais, inéditos, non premiados noutros certames, de temática libre e escritos en lingua galega.
2. Poderán presentarse todos os alumnos e alumnas dos centros públicos da provincia de Pontevedra de primaria, secundaria, bacharelato e formación profesional. Tamén poderán presentarse as persoas adultas (familiares, profesorado e alumnado universitario dos campus de Pontevedra e Vigo).
3. Cada autor/a só poderá presentar un relato que terá unha extensión mínima de 200 palabras e máxima de 300. Estará escrito en Times New Roman, de tamaño 12 pt. e interliñado de 1,5 liñas.
4. Os relatos enviaranse en arquivos en formato .doc, .docx ou .odt ao enderezo de correo electrónico certame.relatocurto@nontedurmas.org
5. Enviaranse dous arquivos no mesmo correo: DATOS (para a organización cos datos básicos da persoa participante) e RELATO (para o xurado co título, o relato, o pseudónimo e a categoría).
6. O prazo de envío dos textos finalizará o 28 de febreiro de 2018.
7. O xurado seleccionará os 120 mellores relatos de entre todos os presentados e que formarán parte do libro. Esta selección de 120 finalistas darase a coñecer no mes de maio de 2018. Nunha segunda fase o xurado destacará 20 dos relatos finalistas e escollerá de entre eles o gañador de cada categoría (primaria, secundaria, bacharelato/FP e adultos). O resultado desta escolla darase a coñecer no acto de entrega de premios. 
8. Os premios serán os seguintes: 

• Para o gañador/a de cada categoría (primaria, secundaria, bacharelato/formación profesional e adultos): un vale de 200 euros, un lote de libros de Kalandraka, un xogo e unha lámina autenticada polo ilustrador Óscar Villán.
• Para os 20 autores finalistas destacados: un obradoiro de creación literaria que impartirá no mes de xuño a escola de escritores da Asociación de Escritores en Lingua Galega.
• Para os 120 autores finalistas: un libro colectivo cos seus relatos e co relato feito expresamente para o certame por un escritor profesional, nesta edición é Antonio García Teijeiro.
• Tanto os relatos gañadores coma todos os finalistas publicaranse tamén no Diario de Pontevedra durante as vacacións de verán.

Verbas para comunicar... un curso máis!!!

Este ano o concurso Verbas para Comunicar que convoca a Concellaría de Xuventude de Soutomaior cumpría 10 anos, de aí que as súas bases incluísen unha nova modalidade orientada ao audiovisual con posibilidade de participación individual e grupal. Ademais, a entrega de premios reuniu por vez primeira todo o alumnado de Secundaria e Bacharelato do noso centro e do Colexio Santiago Apóstolo nun acto que tivo lugar o pasado venres 19 de maio no Pavillón da Montesiña (galería de fotos).

Un ano máis tamén dámoslles os nosos parabéns a todos os alumnos e alumnas que participaron no concurso, felicitamos o Concello pola súa organización e, para rematar, destacamos e colgamos os textos premiados do noso alumnado:

Categoría A, de 12 a 14 anos. Redacción

• 1º premio: Talía García Conde, por Poderes e inxustiza.
• 3º premio: Iria Conde Franco, por Cóntame o que pasou.

Categoría B, de 15 a 20 anos. Redacción

• 6º premio: Rime el Bahi, por Desaparecida.

Categoría B, de 15 a 20 anos. Audiovisual

• 1º premio: Sara Buceta, por "Eu son".

O certame 'Verbas para comunicar' cumpre 10 anos

A Concellaría de Xuventude do Concello de Soutomaior convocou unha edición moi especial do concurso Verbas para comunicar, a décima!!! Si, van alá nada máis e nada menos que 10 anos dun certame que naceu para promover a creatividade literaria na mocidade e fomentar o uso da lingua galega. Para festexalo, o Verbas deste ano incorpora novas modalidades (audiovisual) e fórmulas de participación (en grupo), que pasamos a resumir deseguido.

Modalidade redacción

1.- A temática será libre tendo en conta que o obxectivo xeral é transmitir unha idea, unha opinión, un sentimento... que desexemos compartir con outras persoas.

2.- Estará redactado en galego e valorarase a corrección lingüística, así como a presentación adecuada e a orixinalidade do traballo.

3.- O texto non poderá superar as 12 liñas e presentarase en papel ou cartolina que non supere o tamaño A4. O formato é, polo tanto, tamén libre: prosa, poesía, unha mensaxe, unha carta, etc.

4.- A participación é individual.

Modalidade audiovisual

1.- Elaboración dun vídeo (curta) ou un audio (tema musical) cunha duración máxima de 5 minutos.

2.- Pode presentarse de maneira individual ou grupal (máximo 3 persoas).

3.- O traballo audiovisual pode gravarse con móbil ou cámara e entregarase nunha memoria USB.

4.- O traballo audiovisual terá que conter texto en lingua galega, escrito ou verbal, e por suposto orixinal.

Categorías: 

• Categoría A: de 12 a 14 anos.
• Categoría B: de 15 a 20 anos.

O prazo de presentación remata o 28 de abril ás 20:30h. Podedes consultar aquí as bases completas do certame., tamén os premios, que como todos os anos son moi atractivos. 

Non deixedes de consultar as vosas dúbidas co profesorado de Lingua e a OMIX do Concello, e -tendo en conta as novas modalidades do concurso- botade man dos coñecementos e os consellos, sobre todo, dos vosos profesores e profesoras de Plástica, Música e Tecnoloxía.

Resolución do Concurso Verbas para Comunicar 2016

O pasado venres celebrouse no Salón de Actos o acto de entrega dos premios acadados polo alumnado do noso colexio na IX edición Concurso Verbas para Comunicar, que organiza a Concellería de Xuventude de Soutomaior. Este ano presentáronse case 300 traballos entre os dous centros escolares de secundaria do municipio e, segundo confirmou o xurado, o veredito final foi ben difícil. 

Ao acto acudiron o alcalde de Soutomaior, Agustín Reguera, e mais a concelleira de Xuventude, Noelia Ocampo, que xunto co profesor Fernando Blanco tomaron a palabra para agradecerlle aos estudantes a alta participación e a calidade dos textos presentados no concurso e animaron a usar a lingua galega dentro e fóra das aulas, para expresar a súa creatividade e para empregar nas tarefas cotiás en todos os ámbitos da nosa vida. Ademais, ao finalizar a entrega de premios, na que todo o alumnado recibiu un agasallo do Concello, varios dos estudantes premiados foron entrevistadas pola Televisión de Soutomaior. Agardamos dispoñer en breve da gravación, así como das imaxes do fotógrafo do Concello, para partillalas con todos e todas vós.

 

O Deapartamento de Lingua Galega quere darvos os parabéns a todos os alumnos e alumnas participantes, así como ao concello por promover o uso da lingua galega no ámbito da creación literaria e a comunicación entre a mocidade.

Estes foron os textos premiados no noso centro escolar; non tedes máis que premer no título do texto para poder ler o traballo:

Categoría A (12 a 14 anos)

- 2º premio: Rime el Bahi, por Visión.
- 4º premio: María González Rodríguez, por Chámome Abugoh Abdala e teño 9 anos.
- 6º premio: Gabriel Alonso Martínez, por Por vós, esquecidos.

Categoría B (15 a 18 anos)

- 2º premio: Andrea Vilas Nieto, por Comunicar.

- 3º premio: Clara Álvarez Sobral, por Anacos, virutas e gretas.

- 6º premio: Aarón Tellería, por Microrrelato: Lembranza da infancia.

Unha nova edición do concurso Verbas para Comunicar

Como todos os anos por estas datas, a Concellaría de Xuventude do Concello de Soutomaior convoca a oitava edición do concurso Verbas para Comunicar, que procura promover a creatividade literaria na mocidade e fomentar o uso da lingua galega. Coma sempre, dende as aulas de Lingua Galega e dende o Equipo de Normalización Lingüística do colexio animámovos a participar. 

Tal e como falamos nas aulas, os requisitos recollidos nas bases son moi sinxelos á vez que abertos e flexibles para adaptar o certame aos vosos intereses e gustos. Basicamente, tede en conta que:

1. A temática e o estilo é libre xa que consiste na redacción dun texto en lingua galega que transmita unha idea, sentimento, opinión, etc., que nos gustaría compartir con outras persoas. pode ser en prosa, verso, en forma de carta, incluír ilustracións ou colaxes, etc.

2. O texto non poderá superar as 12 liñas e presentarase en papel ou cartolina que non supere o tamaño A4. O formato é, polo tanto, tamén libre: prosa, poesía, unha mensaxe, unha carta, un artigo de opinión, etc. 

3. Ademais de estar escrito en lingua galega, valorarase a corrección lingüística, así como unha presentación adecuada e a orixinalidade do traballo.

4. Diríxese ao alumnado da ESO, Bacharelato e FP e establécense dúas categorías: 

• Categoría A: idades de 12 a 14 anos.
• Categoría B: idades de 15 a 18 anos 

O prazo de presentación remata o venres 29 de abril e os traballos deben presentarse seguindo as instrucións recollidas nas bases, que podedes consultar aquí. 

Que máis? Ah, si, que agasallos hai? Todo o alumnado participante recibirá un pequeno agasallo durante o acto de entrega dos premios, que terá lugar arredor do Día das Letras Galegas. Ademais, sortearase un dicionario de lingua galega de Xerais e, ademais, os mellores traballos serán recompensados en cada unha das categorías con:

1. Premio: Tablet 10", 16 Gb, 2 cám.
2. Premio: Libro electrónico 6"
3. Premio:Smartwatch Bluetooh
4. Premio: Cámara fotográfica deportiva
5. Premio: Auricular bluetooth
6. Premio: Altofalantes bluetooth

Esgótase o prazo do certame Verbas para Comunicar 2015

Xa vai quedando menos, apenas unha semana, para o peche da recepción de traballos da VII edición do concurso Verbas para Comunicar, que organiza a Concellaría de Xuventude do Concello de Soutomaior e no que colabora activamente o Equipo de Normalización Lingüística, o Departamento de Lingua Galega e o profesorado do ámbito sociolingüístico de 3º e 4º da ESO. Lembramos un resumo das bases do certame, que podedes consultar integramente nos taboleiros do colexio e as aulas, así como na páxina do Concello:

1. A temática será libre tendo en conta que o obxectivo xeral é transmitir unha idea, unha opinión, un sentimento... que desexemos compartir con outras persoas. 
2. Estará redactado en galego e valorarase a corrección lingüística, así como a presentación adecuada e a orixinalidade do traballo. 
3. O texto non poderá superar as 12 liñas e presentarase en papel ou cartolina que non supere o tamaño A4. O formato é, polo tanto, tamén libre: prosa, poesía, unha mensaxe, unha carta, un artigo de opinión, etc. 
4. Haberá dúas categorías: categoría A (de 12 a 14 anos) e categoría B (de 15 a 18 anos).

Non deixedes de consultar todas as dúbidas cos vosos profesores e profesoras e, xa sabedes, este ano hai uns premios mellores ca nunca. Son estes en cada unha das categorías: 

• 1º Premio: Tablet 
• 2º Premio: Tablet
• 3º Premio: Libro electrónico
• 4º Premio: Cámara fotográfica
• 5º Premio: Marco dixital
• 6º Premio: Impresora

E non o esquezades: o prazo remata o 30 de abril!

Tedes algo que comunicar?

Un ano máis a Concellaría de Xuventude do Concello de Soutomaior convoca o Concurso Literario Verbas para comunicar, que xa chega á súa sétima edición. Este certame ten como obxectivo impulsar a creatividade, a comunicación e a lingua galega entre a mocidade do municipio. O Equipo de Normalización Lingüística do colexio, xunto co Departamento de Lingua Galega e o profesorado do ámbito sociolingüístico, colaboran neste certame para celebrar o Día das Letras Galegas, que este ano se lle dedica ao poeta Xosé María Díaz Castro. Nos taboleiros das aulas da ESO tamén podedes consultar as bases do concurso, que coma sempre ten uns premios moi atractivos en cada unha das categorías (A, de 12 a 14 anos; e B, de 15 a 18):

• 1º Premio: Tablet
• 2º Premio: Libro electrónico
• 3º Premio: Cámara fotográfica
• 4º Premio: Marco dixital
• 5º Premio: Impresora
• 6º Premio: auriculares

As bases son moi flexibles e abertas para que todos e todas vós atopedes iso tan importante que queredes expresar. Os requisitos básicos son:

1. A temática será libre tendo en conta que o obxectivo xeral é transmitir unha idea, unha opinión, un sentimento... que desexemos compartir con outras persoas.
2. Estará redactado en galego e valorarase a corrección lingüística, así como a presentación adecuada e a orixinalidade do traballo.
3. O texto non poderá superar as 12 liñas e presentarase en papel ou cartolina que non supere o tamaño A4. O formato é, polo tanto, tamén libre: prosa, poesía, unha mensaxe, unha carta, un artigo de opinión, etc.

Pensade nunha idea, tirade dela, dádelle forma, pensade nos materiais se ides debuxar ou ilustrar o texto e... non deixedes de consultar todas as dúbidas cos vosos profesores e profesoras e, xa sabedes

E non esquezades que o prazo remata o 9 de maio!